មន្ទីរពិសោធន៍ជាតិយថាប្រភេទមានភារកិច្ច​រៀបចំនូវ​បទដ្ឋានយថា​ប្រភេទកៅស៊ូកម្ពុជា ទទួលខុសត្រូវលើស្តង់ដារកៅស៊ូជាតិ  វិភាគគុណភាពយថា​ប្រភេទ​កៅស៊ូ ផ្តល់នូវ​ការបណ្តុះបណ្តាលដល់អ្នកបច្ចេកវិទ្យាកៅស៊ូ នៃបណ្តាក្រុមហ៊ុននិងរោងចក្រកែច្នៃជ័រកៅស៊ូ ផ្តល់នូវការទទួលស្គាល់ និងការអនុញ្ញាតប្រើប្រាស់នូវស្លាកសញ្ញាកៅស៊ូកម្ពុជា និងការលើកនូវគុណតម្លៃ​កៅស៊ូជាតិនៅលើទីផ្សារអន្តរជាតិ។ សកម្មភាព និងសមិទ្ឋិផលសំខាន់ៗ ដែលបានអនុវត្តនៅក្នុងផ្នែកនេះរួម​មាន៖

(១)ការធ្វើតេស្ដអន្តរមន្ទីរពិសោធន៍ (Round Robin Crosscheck) ជាមួយ International Rubber Association (IRA)  

(២)ការធ្វើតេស្ត​ប្រៀប​ធៀបជាមួយបណ្ដាមន្ទីរពិសោធន៍ក្នុងស្រុក ក្នុងការពង្រឹងគុណភាព​ផលិតផលកៅស៊ូ CSR​ នៃបណ្តារោងចក្រ និង​មន្ទីពិសោធន៍មូលដ្ឋាន

(៣) ការចុះពិនិត្យរោងចក្រ និងមន្ទីរពិសោធន៍ CSR សំដៅធ្វើការតម្រង់ទិស និងកែលម្អរ​នូវចំណុចខ្វះខាត ដើម្បីលើកកម្ពស់គុណភាព​ផលិតផល​កៅស៊ូកម្ពុជា​ និង

(៤)ទទួលធ្វើសវនកម្មផ្ទៃក្នុង និងក្រៅពី​ការិយាល័យទទួលស្គាល់អន្តរជាតិ។  ជាលទ្ធផលរោងចក្រកែច្នៃកៅស៊ូ CSR ចំនួន១៦និងមន្ទីរពិសោធន៍​ចំនួន៩ ត្រូវបានទទួលស្គាល់ និងទទួលបាន​សិទ្ធិប្រើប្រាស់ស្លាកសញ្ញាយថាប្រភេទកៅស៊ូកម្ពុជាពី វ.ស.ក.ក.។